كل ورده وشوكها

من طرف **ميدو مشاكل** الإثنين يونيو 04, 2007 7:40 am

كل ورده وليها لون وعطر جمــــيل
بس شوكها بنصرخ منه طول الليل
زى حبيبى فى يوم مانادانى شفت بعينه جمــــال الكون
حبيته وعشت ليه .. كان حبى شويه عليه
لقيته ورد بشوك خلانـــــى اشوف عذابى على كل لون
ضيعت عمرى عليه .. وحلمى رماه بإيديه
وسابنى لوحدى بقلبى عليل
................ ...............
ياما محيت دمعه واحزانه ... ياما عملت الفرحه عشانه
يكبر ويـــنسى حــب زمانه ... اكبر واقوى من الزمــــــــــــان
كنت تملى انا بمسح دمعـه ... وكنت ياربــى بطيب وجعه
وكنت بــــنور دايما شمعه ... جاى لى بغدر ينسى الل كـــــان
غرقته فى حنانى ... فرحته بكانى
دوقته افـــــراحه ... دوقنى احزانى
وسابنى لوحدى بقلبى عليل
................ ...............
كل دقيقه واهبها لحـــــــــبه ... ايامى كنت عايشها لقربه
حنانى كان من قلبى لقلــــبه ... وفى عز جرحى يبيــــــع بــبلاش
يارب بقى دى هاتبقى جزاتى ... بعد ماكنت عايشله حياتى
أرجع سكتى فيا آهـــــــــــاتى ... يارب الفرحـــــــــه مايدوقهاش
غرقته فى حنانى ... فرحته بكانى
دوقته افـــــراحه ... دوقنى احزانى
وسابنى لوحدى بقلبى عليل

من طرف **AHMEDBAHR** الإثنين يونيو 04, 2007 11:11 am

تمام اوى يا ميدو والله ينور يا حبيب قلبى

ومنتظر المزيد منك

من طرف **ميدو مشاكل** الثلاثاء يونيو 05, 2007 5:41 pm

شكرا ليك يا ابو احميد على مرورك ياعسل

من طرف عاشق سفي الأربعاء يونيو 13, 2007 1:17 pm

اشطه اوي وتمام ومش عارف اقولك ايه ياجميل علي الكلام الجميل زيك ده
...................... بس ربنا يوفقك

من طرف **MR-MR12** الخميس يونيو 14, 2007 12:15 am

احساس وكلام جامد

بس بلاش حزن بقى يا ميدو

من طرف **ميدو مشاكل** الجمعة يونيو 15, 2007 11:30 am

ربنا يخليك يا زيزو على مرورك الجميل ده

من طرف **ميدو مشاكل** الجمعة يونيو 15, 2007 11:31 am

شكرا اوى يا ريرى

بس لو مفيش حزن مش هايبقى فيه افراح

من طرف احمد الا السبت يونيو 16, 2007 7:14 am

جميل اوى يا ميدو وربنا يوفقك
كلامالورد احسن كلام الله معاك

من طرف رمات الأحد يونيو 17, 2007 12:33 pm

حرااام عليك يا ميدو...ليه قلت يا رب الفرحة مايدوقهاش...
أد كده حبها أثر فيـــــــــــــــــــــــــــــك

من طرف **ميدو مشاكل** الإثنين يونيو 18, 2007 12:58 pm

اولا انا بشكر الوقت اللى اتاح لك تردى على موضوعى

وبشكرك انتى بالاخص على ردك ويارب مايحرمنى من ردودك

...........

ثانيا مش كل اللى بكتبه بيحصل لى

ثالثا انا هنا بوصف حاله من مليووووون حاله

والحاله دى داقت كتير اوى ومقابل اللى داقته

ماعملتش غير انها بتدعى على اللى ظلم

من طرف رمات الجمعة يونيو 22, 2007 1:29 pm

ايه ده ..ايه كل الكلام ده...بس عارف كلامك متناقض جدا ..
معلش معلش هي الحياه كده...

من طرف احمد الا الأحد يونيو 24, 2007 5:39 am

صح هى الحياه كده
حبه حزن وحبه فرح كل ورده وشوكها 17-6

من طرف **ميدو مشاكل** الإثنين يوليو 02, 2007 10:11 am

شكرا على متابعتك يارمات

من طرف **ميدو مشاكل** الإثنين يوليو 02, 2007 10:11 am

وشكرا على ردك يا احمد

من طرف رمات الثلاثاء يوليو 03, 2007 6:14 am

ايه...شكلك زعلت ولا ايه؟
طب وربنا ما تزعل مني ...

من طرف زائر الأربعاء يوليو 04, 2007 8:36 am

تمام يا ميدو الكلام دة حلو اوى

ويريد شعر حزينى شوية معلش

مع تحيات

طائر الليل الحزين

خالد

من طرف **ميدو مشاكل** الأربعاء يوليو 04, 2007 6:52 pm

رمات كتب:ايه...شكلك زعلت ولا ايه؟
طب وربنا ما تزعل مني ...

والله مازعلان ولا حاجه

وانتى اكتر واحده عارفه انى مش ممكن ازعل منك ولا ازعلك

ياريت تتأكدى من ده اكتر

ده اذا كنتى عارفه

من طرف **ميدو مشاكل** الأربعاء يوليو 04, 2007 6:53 pm

الف شكر ليك ياخالود على ردك

تسلملى ياصاحبى

من طرف رمات الخميس يوليو 05, 2007 1:47 pm

ماكنتش عارفة بس عرفت خلاص...

من طرف **ميدو مشاكل** الجمعة يوليو 13, 2007 9:16 am

الحمد لله

من طرف assia السبت يوليو 21, 2007 1:56 pm

الله عليك يا ميدو و على كلامك ده بس أنا عايزة أعرف اسمك الحقيقي و سنك ده لو ممكن

من طرف **ميدو مشاكل** الأحد يوليو 29, 2007 8:12 pm

انا متشكر اوى يا اسيا على ردك ومتابعتك ليا

انا اسمى محمد حامد وعندى 20 سنه

من طرف assia السبت أغسطس 04, 2007 1:24 pm

ميرسي اوي على صراحتك الحلوة معايا يا محمد

لا شكر على واجب احنا هنا كلنا اخوات

من طرف رمات الأربعاء أغسطس 08, 2007 1:16 pm

الله الله الله بالمرة يديك الايميل بتاعو و تدية الايميل بتاعك و تتكلمو براحتكو ....

من طرف **ميدو مشاكل** الخميس أغسطس 09, 2007 4:59 am

وفيها ايه يارمات ؟.

من طرف رمات الخميس أغسطس 09, 2007 1:06 pm

هو انت لسة بتسأل فيها ايه....

من طرف **ميدو مشاكل** الجمعة أغسطس 10, 2007 10:59 pm

صديقه وبنتعرف ايه اللى حصل يعنى ؟

من طرف رمات السبت أغسطس 11, 2007 1:46 pm

صديقة؟ اتعرف يا خويا اتعرف
محدش يحوشو يا جماعة أديني بقولكم أهو و لو عاوز الايميل بتاعها يا محمد يا حامد يللي عندك 20سنة أنا أديهولك
مش مشكلة يعني

من طرف **ميدو مشاكل** السبت أغسطس 11, 2007 9:12 pm

والله مانا واخد حاجه بس انتى ماتزعليش نفسك انتى زعلك تقيل على قلبى

من طرف رمات الثلاثاء أغسطس 14, 2007 12:50 pm

أيوة كده في ناس زي اللي في باللي كده مايجوش الا لما توريهم العين الحمرا

من طرف **رجاء مجدي** الأربعاء أغسطس 15, 2007 6:25 pm

يا جماعة من غير خناق
وانت يا رمات كبري دماغك انا عرفاك عقلة معلش عدهالو المرادي والمرة الجاية انا اللي هضربهولك معلش دة اسمو ميدو مشاكل يعني انت لسة هتعرفيه بس هو حنين وقلبو كبير
وقافل عليك جواه متخفيش وعلى فكرة انت ليكي وحشة بجد والله تحياتي ليكي ياقمر
كلمات جميلة اوي يا ميدو بتوصل للقلب بسرعة والله ربنا يوفقك

من طرف **ميدو مشاكل** الأربعاء أغسطس 15, 2007 7:21 pm

ربنا مايحرمنى منك يا اجمل رجاء فى الدنيا

شكرا اوى على مرورك ونورتى المنتدى ياقمر

من طرف **رجاء مجدي** الأربعاء أغسطس 15, 2007 7:35 pm

النور نورك يا جميل بقولك ايه انا عاوزاك في موضوع مهم اوي ابقى كلمني عالايميل عشان نكلم براحتنا ماشي ياقمر

من طرف assia الخميس أغسطس 16, 2007 2:09 pm

احنا كنا فين و بئينا فين ...الله الله الله...اسمعي و بصي يا رمات اللي بتضلميني انا و ميدو ...
اهو راح مع واحدة ثانية و بيتفقو على الايمايل ...شوفي بئا حتعميلي ايه دلوقتي ...

من طرف **رجاء مجدي** الخميس أغسطس 16, 2007 3:52 pm

لا حولة ولا قوة الا بالله

من طرف assia الإثنين أغسطس 27, 2007 12:54 pm

ايه ده يا رجاء انت حاتموتي و لا ايه...
ان للله و انا اليه راجعون...

من طرف **ميدو مشاكل** الأربعاء أغسطس 29, 2007 7:46 pm

وحدوا الله انتوا هنا كلكم اخواتى وحبايبى واغلى ماليا ربنا مايحرمنيش منكم

من طرف رمات الخميس أغسطس 30, 2007 6:37 am

اللهم امين...

من طرف **ميدو مشاكل** الخميس سبتمبر 06, 2007 11:02 am

من بؤك لباب السما يارب